بيروت … رفيق أبو زيد
الحياة خيّرتني بين إنّي كون رجّال غني كتير او رجّال مُحترم اخترت الخيار الثاني، رجعت الحياة خيّرتني بين إنّي كون رجّال بيخافوا منّو الناس وبيمثلو قدّامو انهم بيحبّو او رجّال بيحترموا الناس وبيحبّوه كمان اخترت الخيار التاني، رجعت الحياة خيّرتني إنّي كون حدا كتير مشهور بطريقة مش نظيفة او حداً عندو ناس يمكن مش كتار بس بيقدّرو كتير وبيعتبروه مثال الهن ومسيرتو نظيفة كمان بالطبع اخترت الخيار التاني، وخيّرتني الحياة اني اترك اهلي ووطني واعمل مليونير بس عيش متل المكنة او ابقى حدّ اهلي يللي ربّوني وتعبو عليي واتمسّك بوطني يللي بفتخر بإنتمائي إِلو واعمل مستقبلي هون وطبعاً اخترت الخيار التاني … حياتنا كلّها مبنية على خَيارات وعادة ما ينعرف قيمة خَياراتنا غير بعد سنين وانا بفتخر بخَياراتي.
